政情：公民講場：惹火通識科 燒埋吳得掂

新學制中期第二階段正檢討中，通識教育科中期檢討最終方案預計於明年七月公布，有傳教育局將研究削減通識教育科涉及香港政治的內容。呢個傳聞本身已經夠晒惹火，好衰唔衰早前建制派立法會議員到禮賓府同特首會面時，又咁啱有議員將大量學生參與佔領行動歸咎於通識科，建議未來有必須削減通識科政治內容喎。今次風波隨時成為教育局局長吳克儉（吳得掂）繼年前德育及國民教育科爭議後嘅新一輪政治炸彈，如果佢喺初頭關鍵時刻處理得唔好，隨時又再火燒身，兼夾為泛民主派提供攻擊政府嘅「彈藥」。