政情：楊明標呻生意衰過六七暴動

在佔領行動及內地反貪腐政策雙重打擊下，生意大跌近九成，公司不得不轉變策略，不單改售中價位錶款，連帶廠商都要轉埋。

楊明標話，佢從事鐘錶行業已經約有六十年，目前幾乎係公司開業以來經營最艱難嘅時刻。佢話，當年沙士疫情及六七暴動期間，雖然客量大減，但公司依然有錢賺，而且兩次事件維持時間都唔長，所以影響未算深。不過，今次佔領行動未知何時完結，而呢段時間內店舖有任何損失，保險公司都唔會賠，所以佢哋要非常小心。

貴價錶放保險箱

佢話，現時貴價腕錶會全部放入保險箱，有客人要買先拿出來，而部分位於旺角等較混亂區域的分店，則會跟隨其他大商戶例如金舖等在需要時關門。至於其他佔領區嘅分店即使開門營業，都會因應情況只打開一邊門，方便店員隨機應變。