九龍城：違泊猖獗 影響巴士行駛
「左邊一行違泊，右邊更加有兩行，條馬路咁窄，睇住架巴士都要慢慢轉入嚟，幾驚真係會撞車！」袁小姐近日乘搭巴士到九龍城打鼓嶺道，發現上址違泊問題嚴重，認為乃警方疏於執法所致。
同址年接213宗投訴
警方發言人稱，根據紀錄，過去一年共接獲二百一十三宗涉及上址的違泊投訴，期間向違例者發出四百四十六張告票。發言人強調將密切留意情況及採取相應執法行動，保持道路暢通無阻。
「一年先得四百幾張告票，咪即係差唔多一日得一張多啲？警方再唔着緊真係遲早出事，快啲派多啲人手巡邏啦！」袁小姐希望警方正視問題並持續跟進，以根治違泊問題，避免有意外發生時始作補救。