荃灣：菜檔長霸路 食署發雞盲
店舖阻街問題長期困擾不少港人，居於荃灣海壩街與大河道附近的阿玲指出，附近一帶不少店舖長期皆將貨物放置行人路，令接近一半行人通道被佔，當中尤以售賣蔬果的店舖最為嚴重，惟鮮見食環署人員執法，「我有次見住食環署啲人仲同啲檔戶傾得好開心，明明啲貨就放晒出嚟，咁都可以當見唔到，有冇搞錯！」
僅罰款欠阻嚇
食環署發言人表示，一向關注上址店舖佔用行人路擺放貨物情況，並不時派員巡查及採取突擊執法行動。並於今年七月至九月間向有關店舖負責人提出九宗拘控。發言人強調，該署會繼續留意上址情況及採取適當行動。
「我都唔見有咩特別改善，就算罰佢哋錢咪又係當交租！」阿玲要求署方加強嚴厲執法，希望可收阻嚇之效，還居民一條通道。