有團體發起遲交公屋租金嘅不合作運動，宣布會將原本要喺月頭繳交嘅公屋租金改為喺月尾繳交，令房屋署因為租客遲交租而要增加行政成本，從而增加行政壓力。現每月逗緊八萬多元人工、但仲霸住間公屋住嘅社民連立法會議員梁國雄（長毛）就話，佢會支持遲交租呢項不合作運動，但佢諗諗吓先醒起自己交租一直用開自動轉帳，月頭就會自動「過數」交租，想遲交都唔得，聲言要再研究吓先知道點樣可以支持呢項運動喎！
