政情：八網難逃：社運界收假獎學金電郵

佔領行動爆發至今將近一個月，流言蜚語不絕，唔少社運人士尋日就分別收到一封電郵，話已經完成咗「獎學金」評審，叫佢哋睇吓自己個姓名、銀行戶口資料及附件。不過，睇真啲封電郵錯漏百出，好似堂堂一間大學，竟然會用外間公司電郵，明明係嶺南大學，但竟然用咗中文大學個電話號碼，擺明就係黑客電郵。收到電郵嘅佔中糾察隊義工陳樹暉就有自知之明，話以自己成績無可能攞到獎學金，一睇就知假嘢。至於民陣前召集人楊政賢就話，收到電郵時好興奮，叫對方還番啲獎學金畀佢，十足對付電話騙徒一樣。