泛民主派立法會議員在議會內動輒「拉布」，搞到工務小組委員會上年度有二十一項政府工程項目被拉倒，令工程預計成本上升達十億元。點知泛民今個年度變本加厲，為配合佔領行動而在議會內進行不合作運動，如此下去，工程成本超支將會是天文數字，由廣大納稅人付鈔。保險界議員陳健波尋日就在工務小組會議上批評泛民，如果繼續搞不合作運動只會令香港社會撕裂，市民受損，仲話︰「咁搞落去，你哋嘅選票會被搶走，你哋就唔可以坐喺呢度！」即係選民會要泛民票債票償。
