政情：劉江華粒聲唔出紅爆網

學聯同政府前日歷史性首次對話，有份出席嘅政制及內地事務局副局長劉江華和特首辦主任邱騰華在對話中冇出過聲，但反而在網絡爆紅，其中劉江華就更加係「備受寵幸」，網上瘋傳佢嘅改圖，搶晒風頭。其中有網民就將劉江華個頭像「移花接木」到歌星譚詠麟嘅歌曲《一生中最愛》MV中，當中歌詞更係「寧願一生都不說話 都不想講假說話欺騙你」，擺明係寸佢在對話中唔講嘢。其實今次對話主力由「政改三人組」司局級官員回應學聯代表，莫非大家會預期作為下屬嘅劉江華會同上司譚志源局長爭住發表講話？