政情：施文信卸任 金曲贈四方
剛卸任馬會主席嘅施文信最近接受馬會支持刊物訪問，大談四十年香港情，並憑歌寄意挑選多首金曲送予各方好友，其中一首金曲《We are the champions》，就送畀馬會同事，認真有趣。
憑歌寄意「敢做夢」
施文信喺六九年從蘇格蘭來港，七四年成為馬會會員，而且由專業會計師到出任馬會主席，並喺香港落地生根，係名符其實嘅「老香港」，要佢話當年真係講十日十夜都講唔完，所以憑歌寄意，最簡而精，因此佢揀咗《Stand by me》及《You'll never walk alone》來代表馬會同市民嘅密切關係，而一首《Somewhere over the rainbow》，就最適合送畀自己喎。熟悉歌詞嘅人都知道，入面有句「只要敢做夢，一定會夢想成真」，一切盡在不言中嘞。
另外唔講唔知，施文信原來曾喺本港擁有六匹愛駒，狂熱程度不下一般馬主，而愛駒通通以蘇格蘭一個地區名稱「高原（Highland）命名，原因係佢好鍾意呢個地方，希望透過愛駒命名同呢個地方有啲連繫。