政情：八網難逃：「女警」周庭「拘捕」長毛

尋日網上流傳一條短片，見到社民連梁國雄（長毛）模擬因參與非法集結、藏有攻擊性武器被捕，帶返警署時竟然遇上穿上疑似制服、扮演女警嘅學民思潮成員周庭。短片中顯示，長毛多次向周庭自爆自己有份坐喺馬路，又話有人提供竹枝畀佢哋搭棚等，結果周庭叫佢簽完一份唔再追究嘅文件，就聲稱放佢走，點知簽完後無耐，另一位男子就扮演便衣警察，以多種罪名拘捕佢，搞到長毛當場好嬲，長毛最後提醒示威者，被捕後可以答「我唔知」或者「等律師到」，唔一定要懶叻回答警察。