探射燈：賠償七萬 保險公司拒續保
雖然袁家早前已購買家居保險，兩次水浸獲賠七萬多元，但袁景康指，有關保險於上月廿四日到期後，保險公司拒絕續保，其他公司也不肯受理他們的個案。「我依家好擔心，如果再爆水管點算？水務署係咪要搞到我嘅生命財產都冇保障先安樂？」
「計唔掂數 索性唔做」
「保險公司決定幫唔幫客人續保，通常會睇番造成意外嘅理由，研究件事（爆水管）有冇機會再發生，有冇預防措施。」保險業聯會主席潘榮輝指，替客戶續保純屬個別保險公司的商業決定，保險公司在考慮潛在風險後，有權不接生意，「好似十年前上環海味街成日水浸，保險公司都會先衡量政府幾時解決到個問題。」
國際專業保險諮詢協會會長羅少雄解釋，保險公司最着重風險評估，「計掂數就肯做，計唔掂數咪索性唔做。」羅指，如日後水務署維修或更換有關鹹水管，事主可向保險公司提供資料，便可增加成功受保的機會，甚至降低保費。