探射燈：水署似「爛仔」 小市民乏保障

法律界：可循民事索償

「每次問水務署，佢哋都話要研究責任喺邊個度，呢啲係好官僚嘅回覆。咁耐以嚟，即使我哋喺區議會有文件討論呢件事，水務署都從來冇向區議會提交過報告，好似呢啲嘢唔關佢哋事咁。」黃狠批該署態度似「爛仔」，「人哋已經好客氣，好忍耐，你就閂埋門唔同人傾，作為政府部門，要有面對市民嘅責任，唔可以令小市民嘅基本權益完全冇保障！」

法律界人士謝天良指，除非是地震、爆炸等不能預計的因素，否則爆水管多是出於日久失修，水務署責無旁貸，「可以出律師信，如果傾唔掂數，就循民事告佢哋。水務署又提唔出證據證明爆水管有其他人為因素，話自己冇責任係唔成理由。」