政情:公民講場:肥佬黎引火焚身 幾難救喇!

壹傳媒老闆肥佬黎繼早前被揭秘密政治捐款醜聞而被廉政公署調查外,近日亦因為策動及宣傳「佔領行動」搞到周身蟻,其位於將軍澳嘅壹傳媒總部被包圍,阻截佢旗下《蘋果日報》出版。不過,肥佬黎連日依然厚顏盤據金鐘佔領區嘅「私家皇座」抽水兼扮指揮,可惜冇示威者聽佢支笛,仲經常被反佔領人士踩場鬧爆,亂局一發不可收拾。肥佬黎唔知係咪自知佔中再咁搞落去會引火焚身,尋日我哋發現佢個「皇座」位處嘅帳篷竟然鬼祟加裝咗兩支滅火筒,但依家搞出個咁嘅大頭佛,相信買多幾支滅火筒都唔夠撲火囉!

第一手消息請下載on.cc東網iPhone/iPad/Android/Windows Phone Apps