學聯同學民思潮早前主張以佔領主要幹道來換取政府開放俗稱「公民廣場」嘅政府總部東翼前地，但遭留守者反對。前日佢哋又再進一步提出以撤出金鐘道佔領區來換取開放「公民廣場」，點知提出交換條件後不足六小時，警方前日清晨就展開移除金鐘道佔領區障礙物行動，尋日早上更進一步「清場」。「雙學」依家連金鐘道佔領區籌碼都無埋，唔知仲搵咩去換取開放「公民廣場」呢？莫非又以撤出夏慤道佔領區來換取「公民廣場」？
