政情：馬豪輝指回教徒多倡和平
控制部分伊拉克及敘利亞土地嘅極端組織「伊斯蘭國」（IS），早前因發放斬殺記者人質嘅暴力片段而令全球嘩然。早前我哋喺一個宗教活動上見到中華回教博愛社顧問馬豪輝，雖然佢都係回教徒，但對伊斯蘭國嘅激進所作所為就完全不能認同喇。
有人認識唔深 可能誤會
馬豪輝話，其實伊斯蘭國只係佔極少數嘅極端分子，並唔係所有回教徒都係咁，又對佢哋嘅血腥行為感到痛心，指大部分回教徒都係仁慈善良同主張和平嘅，所以希望大家唔好將佢哋一概而論。
至於會否有人因為對佢哋認識唔深，又或睇完報道之後驚咗佢哋同有戒心，馬豪輝坦言，可能真係有人會誤會，如果係嘅話就會澄清一吓，而教會方面則認為清者自清，先做好自己，身邊人就自然會明白喎。