曾蔭權收炳江10萬捐款

主控官David Perry昨繼續盤問郭炳江時提到曾蔭權。Perry拿出兩份郭炳江的私人出納紀錄，一份是廉署從其辦公室搜出，另一份是郭作供時自行呈堂，但比對兩份紀錄，前者並無記下他○五年四月曾付款給許仕仁，後者則有相關記項。郭炳江解釋，兩份文件均由秘書擬備，作用不同，廉署取走的那份是記錄他私人投資基金的出納情況。

炳湘批許貪心狡猾且說謊

但Perry隨即指出，該份紀錄中亦有非投資的記項，例如記錄了郭炳江在○五年六月十六日支付十萬元予曾蔭權的競選戶口。郭炳江同意Perry說法，但聲言：「佢（秘書）有自己方法做啲數畀我睇。」

根據資料顯示，曾蔭權於二○○五年六月十五日正式遞交提名表格參予特首補選，到十六日下午五時提名期結束，曾蔭權是唯一合資格候選人，選舉主任同日宣布曾蔭權自動當選。

另外，Perry昨引用郭炳湘○三年三月所寫的筆記，指出當時郭炳湘已批評許仕仁貪心又狡猾，更懷疑許吹噓有其他人請他工作其實是說謊；郭炳湘在筆記中亦引述李業廣說，當時除煤氣和電盈外，長實主席李嘉誠曾表示會以二千萬元聘請許仕仁。郭炳江回應稱：「我覺得佢（炳湘）情緒、頭腦有啲問題……響一個人情緒有病時，點可以當佢講真呢？」他亦無法評論兄長單獨一句話的意思。郭炳江解釋，當時兄長說許仕仁貪心，是因兄長覺得許提出的薪金要求過高，而非與許的個人消費模式有關。

許任司長對新地有害無利

郭坦言未見過許有「女人陪」，僅確知道許嗜好靚酒美食：「但成日都係我哋、人哋請佢（許）食飯，佢好少請，只試過一次佢生日佢請我。」郭炳江亦不認為許謊話連篇，但Perry追問：「但佢真係響上任司長後嘅記者會上，向全港巿民講大話喎？」郭就回應：「佢無講晒事實之嘛！」

Perry又質疑，身邊有個好朋友做政務司司長，新地便可能得益。但郭炳江隨即反駁：「我公司得益？！……我哋嗰時睇法係佢去做司長我哋只有損失，好處就冇！」他坦言許上任司長後，新地跟政府的磋商均慢下來：「啲人覺得許生係從新鴻基嚟嘅，睇我哋啲計劃時就好以用顯微鏡咁睇有乜漏洞，到確定無問題先至批。」這情況一直持續至許卸任後兩、三年，而這次他難得認同兄長：「依家睇番轉頭，我大佬講得啱，佢（許）返去政府我哋仲差咗！」

案件編號：HCCC 98/2013