紅磡：污水流小徑 惡臭損衞生
「啲污水從大廈流到去行人路，搞到成地濕晒，仲成陣臭味，點解咁耐都仲未有人去處理。」家住紅磡海灣軒的梁先生近日發現，從附近酒店通往屋苑的小徑路面，被旁邊建築物流出的污水導致地面濕滑，並長期積水，污水更傳出陣陣臭味，嚴重影響環境衞生，「嗰條小徑咁窄，冇其他路可以避開啲污水行，建築物牆身都已經浸到生青苔喇，快啲搵人去整啦。」
食環署：已派員清洗
食環署發言人表示，已派員聯同相關物業管理公司代表巡查，發現有污水從停車場樓層流出，管理公司已即時將污水作分流處理及安排維修，以及清理相關小徑。發言人續稱，該署亦派員清洗上址，覆查時上址的衞生情況已改善。
梁先生證實污水問題已經解決，亦再無難聞氣味傳出，「食環署平時掃街嗰陣冇理由見唔到，有問題就應該主動去跟進啦，唔好等到有市民投訴先去做嘢！」