慈善基金：香軟愛心米飽暖6000長者
近年物價飛漲，其中米價更是節節攀升，令不少市民生活擔子日重，對基層長者來說，每餐一碗飽肚白飯亦得來不易。為減輕有需要長者生活上的負擔，東方日報慈善基金自一九九八年起舉辦「粒粒顯關懷」贈米計劃，每月透過八十多間志願機構及長者住屋向近六千名長者送上愛心白米。善長的每分捐輸及關愛，皆會化成陣陣飯香，為長者帶來窩心暖意。
通脹加劇 公屋戶嘆米貴
「我哋中國人每餐都要有米飯落肚先得，唔食嘅話就會腳都軟埋！」七十歲的黃勤有一生勞碌，年輕時曾從事飲食、地盤及製衣等行業，見證香港社會的轉變，同時亦歷盡艱辛。
黃伯指早前一直居無定所，與妻子曾長期居於板間房，直至近年才獲編配公屋單位。眼見近年通脹日益加劇，黃伯即慨嘆說：「以前啲米邊有咁貴，呢排又加咗三、四成啦！退休之後冇收入，只可以靠綜援同你哋啲米先食到飯咋，好彩有東方日報慈善基金支持吓我哋呢啲低下層！」
至於七十八歲的黃玲則於十六歲來港，一直於酒樓工作，退休後雖飽受糖尿病困擾，但仍堅持每天要「有米落肚」，「以前食到成兩碗飯，依家雖然有病唔食得咁多，但每日點都一定要食一碗飯！」
糖尿嫗：大大紓生活擔子
黃婆婆雀躍地分享煮食習慣，並指一直聽從醫生建議，盡量多菜少肉，餸菜亦以蒸為主，更稱贈米大大紓緩生活擔子，「我食咗你哋啲米八至九年喇，拎咗之後就冇買過米，真係好多謝晒你哋！」
「我好鍾意食飯，個個月我都會行半個鐘嚟中心拎米！」年屆八十八歲的黃萬見已受惠於贈米計劃逾十年，坦言平日間中會以粉麵作正餐，但最終還是鍾情一碗熱騰騰的白飯，見婆婆更大讚贈米「好味」，「你哋啲米好香好軟，好啱我哋啲老人家食！」
深水埗街坊福利會陳昆棟老人康樂中心主任黃美娟表示，基層長者每月都極期待派發贈米的日子，「依家啲米真係好貴，有好多長者會覺得負擔好重，好彩仲有咁多好心人出錢出力幫佢哋！」黃美娟希望善長能繼續支持贈米計劃，令更多有需要的長者能感受人情溫暖。
捐款編號：16333
記者：阮佩君、黃煒堯