Party Life：工娛之樂

做工業，好辛苦？香港工業總會（工總）青年委員會早前舉行成立三周年派對，城中工業家第二、三代齊齊悉心打扮，一班後生仔女變得既高貴又富玩味，目的係要告知年輕人，做工業，其實都可以好快樂。

本月初黃金周假期遇上佔領行動爆發，內地旅客大減，但無阻本地酒店集團開枝散葉，日前再有兩間新酒店加入戰團。

開幕禮上，城中名人先睹為快，率先感受智能設計房間嘅樂趣。

工總前主席孫啟烈大仔孫榮聰（左二）、次子孫榮良（右二）同曾獲青年工業家獎嘅印刷集團總經理馬家慧（左一），都係工業界新星。右一為孫榮良太太Joyce。	工總副主席鄭文聰（中）臨飛去法國度假前，專登抽空到酒會同身兼工總青委執委嘅寶貝女兒Serena（右）及Carmen（左）等年輕人歡聚。	身兼博愛醫院總理嘅工總青委成員劉卉（左）與男友人李浩群悉心打扮到場，兩人衣着顏色襯到絕。
新酒店開幕禮富豪酒店國際集團副主席羅寶文（右）將環保及科技元素引入酒店，創意吸引保良局副主席陳細潔（左）前來捧場參觀。	家族擁有不少酒店嘅名媛邱詠麒（右），對室內設計興趣濃厚，當日與爸爸邱達昌（中）一齊出席活動。左為富豪酒店國際集團董事范統。	名媛陳曾麗娜（左）鍾情簡約時尚嘅酒店，丈夫陳家樹（右）將訂房任務交晒畀太太話事。