政情：公民講場：林健鋒噏錯「調查唔係查」

商界立法會議員林健鋒（Jeffrey）尋日喺內務委員會提出要引用《立法會（權力及特權）條例》成立委員會調查佔領行動嘅組織策劃、資金來源、引起公共秩序及安全等問題。不過，有議員就質疑立法會過往一直只監察政府及執法機關有冇濫權，未聽過要調查市民集會同示威。Jeffrey就即刻反駁話︰「我哋係調查，唔係查！」大家聽完都搲晒頭，唔明「調查」同「查」有咩分別，唔通Jeffrey想為「調查」同「查」開創新定義？Jeffrey會後解釋，其實佢意思係想講「調查」，唔係「審查」示威者，只係一時口快講錯啫。