政情：八網難逃：「旺角嘉年華」搞手認衰

佔領行動至今接近兩個星期，其中原本爭拗不絕嘅旺角佔領區，前晚就有人喺創興廣場對出一段彌敦道，擺放乒乓球枱打波、開枱打麻雀，仲有人帶埋爐具打邊爐開餐，十足舉行嘉年華會。不過，唔少人對此好有意見，話呢班人咁做係模糊咗佔領嘅目標，但支持者就話打仗都要輕鬆吓喎，最終警方以安全理由介入後全部收檔。前晚有份舉辦及參與「旺角嘉年華」嘅社運人士周諾恆，尋日就喺社交網站認衰，話自己「嚴重錯判氣氛」、「手法太冒進」、「冇好好解釋想法」，所以對所有人道歉。