中環出更：廠商會秋宴 蟹香酒醇
中華廠商聯合會（廠商會）換屆在即，一眾副會長按照傳統，出錢宴請會董及會長擦餐勁作為答謝。適逢秋風起，又係大閘蟹開籮時，一眾廠商會高層拉隊去中環馬車會所舉行「醉蟹秋宴」。會長選舉兩大候選人包括第一副會長陳淑玲（Shirley）與第二副會長李秀恒（Eddy）齊暫停拗手瓜，與一眾會董開心品蟹。
Shirley訂來大籮三百隻肥蟹任食，Eddy都唔執輸，將珍藏多年共十二支五十年茅台「晒冷」，大家一啖蟹膏，一啖茅台，油香中有油脂甘腴嘅滋味，令眾人回味無窮。講到食蟹，Shirley嘅「蟹齡」長達數十年，佢記得當年喺上海食蟹，每隻只係十元一隻，抵食到極。
施榮懷：最緊要團結
蟹宴上，獲答謝嘅會長施榮懷向兩大會長候選人敬酒打氣，無分彼此。施榮懷話，競爭在所難免，但佢哋係良性競爭，無論結果如何，最緊要團結喎。
肥蟹人人爭住搶，好快清碟。不過，常董兼餐飲聯業協會會長黃家和（Simon）就點到即止，事關佢早前腸血管栓塞，康復後睇見高膽固醇嘅肥蟹，都係少食為妙。
卓妮