佔領中環行動未停，被指係佔中幕後黑手之一嘅壹傳媒集團主席肥佬黎尋日忽然指揮官上身，突然透過旗下刊物網站「指點江山」，以得番好少示威者留守金鐘同銅鑼灣為由，「指揮」大家集中佔領金鐘夏慤道，以減少對交通影響，避免消耗民心。對於肥佬黎突然「舉白旗」硬銷「退守」方案，示威者睬佢都傻，根本冇人理，而事實擺在眼前，佔中三子、專上學生聯會、學民思潮等代表都無法保證可以「指揮」示威者去東去西，似乎肥佬黎唔係太天真，就係自視過高嘞！
