港府近年大力宣傳減少廚餘概念，環境局局長黃錦星（圖右一）繼續身體力行做推銷員。尋日黃錦星趁出席賽馬會社會創新設計院年度活動「社會創新節」時，聯同理工大學校長唐偉章、馬會慈善及社區事務執行總監張亮等人，加上廿八名星級名廚同廿八個基層家庭，落手落腳一齊下廚，用剩餘食材炮製美味佳餚，展示如何以創意解決浪費食材問題，事後仲齊齊品嘗試食添！
（受訪者提供）
