陳鉅源受屈 獲巨款補償

控方曾指，郭炳江○八年曾分三次給陳鉅源共一千八百萬元，是償還陳○七年代為墊支給許仕仁的賄款。郭炳江昨澄清，其中一千一百萬元，是新地向陳發放的○七／○八年花紅，餘下七百萬元是私人饋贈。他指兄長自○三年起便在母親面前說陳壞話，他常勸母親要代郭家向陳道歉及信任陳，但母親無聽從。

「好難令人信無官商勾結」

郭炳江指陳鉅源對新地貢獻甚大，兄長被綁亦是陳單人匹馬面對張子強交贖金：「咁郭炳湘你都唔多謝人哋救你，仲要攻擊佢，又冇證據……，大佬咁對佢，阿媽好似覺得無事咁，我覺得如果阿爸在生，佢一定唔會咁做，我覺得郭氏家族要補償番畀佢，等佢知郭家係支持佢。」郭炳江某晚趁宴請全體執董時拉陳到一邊道歉：「我同佢講我哋郭氏家族對佢唔住，我哋欠咗佢。」並說要表達心意，陳欣然接納，之後郭盤算該給陳多少：「五百萬又少得滯，一千萬我自己畀又肉痛」，遂決定中間數七百萬元，叫秘書準備支票後，他親手給陳。

另外，郭炳江提到許仕仁卸任政務司司長後，無打算再聘許，一來不想因為許而與長兄母親再生齟齬，二來聘請前司長入公司「好難令人信無官商勾結」，而重要的是：「兩年前佢（許）離開時我真係好失望，我唔想請佢返嚟又走過。」