政情：Ann蔣設計蛋糕 同爸爸賀壽
近期一眾高官及議員要緊貼佔領行動嘅最新情況，理應相當忙碌，但立法會議員蔣麗芸（Ann）尋日就在社交網站上載咗兩張與家人輕鬆歡聚晚餐嘅相片，仲話無論幾忙，家人親情都不能忘。相片入面阿Ann同爸爸蔣震、妹妹等屋企人一齊食飯，枱面上有個大蛋糕，原來係幫爸爸慶祝生日。
蔣震係著名工業家，所以阿Ann就同妹妹精心設計咗一個特別造型嘅翻糖蛋糕（Fondant Cakes），上面除咗有黑色西裝造型嘅蔣震立體公仔外，仲有其父親公司震雄集團旗下Jetmaster機器做背景。
話說當年蔣震由山東來港，打過多份工之後，正正就係靠二百元資金同朋友創立機器廠起家，所以呢個蛋糕對蔣震來講別具意義，難怪阿Ann話爸爸見到之後非常高興又滿足，一家人相當溫馨。