街市壞廁所 長期傳惡臭
街市廁所殘舊兼有設施損毀多時，食環署「唔踢唔郁」！經常到紅磡街市購物的麥先生指出，位於街市一樓的男廁有廁格長期淤塞，令用家大感不便，情況持續多時未見改善，「個男廁殘舊都冇所謂，仲要有廁格塞咗沖唔到，排泄物沖唔走好大陣味，每次都想九秒九衝出廁所！」
市民斥食環署「壞都唔理」
食物環境衞生署發言人證實，上址男廁有廁格被堵塞，已安排街市管理服務承辦商處理，覆查時廁格運作無異常，又強調會關注街市廁所的保養維修，採取適當行動。
「其實有時啲廁格門同沖廁手掣都鬆鬆哋，點解可以由得啲設施壞晒都唔理？」麥先生建議當局職員加強檢視各種設施，倘發現損壞應即安排維修，並非拖延處理。