政情：公民講場：核心價值珍貴　財爺叫守「城牆」

佔領行動已持續逾一星期，財政司司長曾俊華（鬍鬚曾）尋日在網誌話，即使多條主要幹道被堵塞，過萬市民在多個地點集會，甚至包圍政府部門，但社會各個環節仍能有效運作，全因為港人幾十年來努力築起堅實的「城牆」。不過，佢警告「城牆」一旦失守，香港的城市秩序、管治根基和港人一直珍惜的核心價值難免會被動搖，代價難以估計。鬍鬚曾咁講法，即係叫啲示威者唔好推冧港人幾十年來嘅心血，齊齊守護香港嘅「城牆」。