佔領行動持續多日，由於部分示威者包圍政府總部及特首辦公室，特首梁振英須改於禮賓府上班，每日亦有好多主要官員為公事出出入入。尋日我哋就見到行政會議前成員、智庫組織「香港黃金五十」創辦人林奮強在禮賓府外現身，見佢以一身輕便嘅運動裝束亮相，由遠處慢跑過來。不過，原來佢只係跑步路過禮賓府，但佢就連眼尾都冇望一眼禮賓府，只係一路堅定咁向前望，莫非佢要堅守「不在其位、不謀其政」？
（徐家浩攝）
