佔領中環行動發展至今已出現變化，尋日旺角示威區仲有大批反佔中人士同佔中示威者爆發衝突，期間多人推撞爭執，有人揮拳打人，有人起飛腳，打到頭破血流，場面幾近失控。由於事態發展危急，佔中行動發起人之一嘅戴耀廷都焗住呼籲示威者離開。不過，大力鼓動佔中行動嘅壹傳媒老闆肥佬黎就影都唔見，聲都唔聲，莫非佢隔岸觀火，話之啲佔中示威者打生打死？抑或佢忙於去舌針治療，所以唔得閒理會呢？
