星屑醫生退出西醫工會
旺角示威區尋日有大批反佔中人士及旺角居民包圍示威群眾，期間多人推撞爭執，幾近失控。人稱「星屑醫生」嘅人民力量成員歐陽英傑亦一直有留意該區情況，又在傍晚時分於社交網站分享咗多張該區衝突嘅相片及短片。
被WhatsApp群組留言激嬲
由於佢見到幾位醫生在WhatsApp群組內嘅留言後，更激動地發貼話要退出有關群組及西醫工會，約十多分鐘後已累積過百人讚好。
雖然星屑醫生話唔會公開退出香港西醫工會及工會該幹事會嘅WhatsApp群組嘅詳細情形，但係就將自己在群組內嘅最後留言公開。
留言主要係話佢睇見旺角有學生被毆打，心裏淌血。因為受唔住其他幾位醫生嘅說話，所以決定退出喎。佢仲話，自己良心唔容許佢同嗰啲鬧學生係文革、對暴徒暴行詐看不見嘅人為伍。不過，佢離開工會前都不忘感謝正副主席及何醫生多年來嘅教導。