貪威識食嘅「貪曾」前特首曾蔭權爵士連「十‧一」升旗禮和酒會都玩失蹤？「佔領中環」行動持續五日未見「退燒」迹象，部分示威者昨日更佔據舉行升旗禮嘅灣仔金紫荊廣場附近範圍，政府官員及重要賓客惟有取道水路、乘坐遊艇抵達會場。不過，多次被揭發偕富豪坐遊艇歎世界嘅貪曾，繼卸任後連續兩年出席「十‧一」活動後，今年突然神秘甩底，唔通貪曾自知當年推銷政改時揚言「玩鋪勁」，敲定香港可以一七年落實特首普選時間表，反成佔中行動導火線，因而冇面見人，連喜愛嘅遊艇都唔敢搭？
