不滿廣東道被堵 司機激動「倒米」
【本報訊】昨晨八時許，一名姓馬的中年漢昨駕駛一輛私家車，駛至九龍公園徑與廣東道交界時，遭示威者擺放的鐵馬攔截去路。馬激動落車斥責：「民主就係咁啦！呢啲叫民主咩？」又批評「繼續係咁樣，飯都無得食啦！阻塞交通，咩世界呀？」
「你哋呢啲叫自由民主咩？」
期間有途人上前勸喻他冷靜，但他繼續指摘示威者：「你哋呢啲叫自由民主咩？」
講到激動處，馬突然從車尾箱取出四包米，二話不說撕開包裝，便把白米兜頭倒在身上，寓意「我就同你班人喺呢度玩倒米！」他一度將白米扔落路面，甚至邊行邊倒米，憤言：「香港人就係喺度倒米啦！」
馬未幾情緒平復，跪地檢拾米粒，更一度眼泛淚光，自稱試過捱窮，倒米只是一時衝動。他指其母曾說「一粒米三粒汗」，檢起的米粒洗淨後可食用。