政情：魏華星辭公職專心社企
Green Monday創辦人之一嘅魏華星（Francis），尋日突然辭去所有政府公職，他坦言是對近日警方對待佔中示威者感到心痛、無力，對現屆政府「感到陌生」，故響應友人呼籲辭去公職，包括中央政策組特邀顧問、民政事務署「伙伴倡自強」社區協作計劃委員，以及環境局可持續發展基金委員，聲言今後將專注社企工作。
Francis年前獲政府委任三項公職，擔任了三至五年不等。Francis直言做公職嘅日子好開心，但有感佔中爆發後，一幕一幕鏡頭令佢愈睇愈心翳，思考一個晚上後，尋日早上發電郵向有關部門請辭，雖獲有關人士挽留，但他無意回心轉意。
無「公職」一身輕嘅Francis，不愁寂寞：「我手上有二十個社企項目，會專心做好呢啲工作。」至於將來會否再接受政府委任，佢答得乾脆話：「暫時無諗過。」