答一問題逾400萬？ 許：無僱主會咁做
許仕仁一直強調，任新地顧問時他唯一涉及西九的工作，只是有一次為新地應否與長實合資競投的問題提供意見。主控官Perry昨追問許仕仁，郭炳聯於二○○五年四月給他逾四百萬元顧問合約「尾數」，當說是就他出色服務的特別花紅，Perry遂問許仕仁：「你覺唔覺得自己只係答咗一個問題，就值四百一十二萬五千呀？」許坦言：「答一個問題就畀獎金，應該無僱主會咁做囉！」
Perry將許仕仁在新地的工作逐項數出，指許任九巴董事另有薪酬、就西九項目則只答了一次問題、在馬灣項目亦只參與過一次會議、而在香港商務航空中心所給的意見，則沒有書面紀錄證明、紅灣半島項目也只是開了一次會，更沒發表意見，Perry問許：「咁你認為自己值唔值攞四百一十二萬五千元特別花紅？」許坦言：「如果淨係講你提過啲工作，我唔覺得係值。」Perry不禁問「佢哋究竟係咪做緊善事？」許卻答非所問：「你剛才提到嘅工作都唔係善事嚟喎！」
同意收錢會成被利用目標
Perry後來直接問許仕仁，指熟悉他的人都知他要錢去維持其生活方式，「會唔會令你容易受到引誘？或成為被利用的目標？」許仕仁答說：「唔係容易（受引誘）嘅，但我唔可以否認有人合法畀錢我，對我係有幫助……成為（利用）目標？我同意會o架！」
本報記者