政情：公民講場：泛民佔領時潛水 臨清場抽水

學民思潮一眾中學生前日原本在政府總部外和平集會，點知臨尾忽然聯同學聯大專生玩突襲，佔領政府總部東翼「公民廣場」，最終佔領嘅學生被抬走，而大批學生則在政總外通宵留守。不過，大部分泛民主派議員成晚都唔見影，特別係佔中三子戴耀廷等人，懶理學生面臨警方清場嘅威脅，直到尋日朝早瞓醒先至施施然到場，結果被質疑佢哋背棄學生，無政治道德。講來講去，戴耀廷等人都係顧住搞自己十．一佔中壇嘢，仲得閒理學生搞「佔領政總」咩，可能佢哋見班學生搞到咁大鑊，驚蝕章先焗住露面做吓騷啫！