呢位富豪憑自己努力建立生意王國，無論在港英時期或回歸後都受到政府重視。當年政府有意向佢頒發勳章，唯一條件係希望佢捐一億元畀某間大學。由於一億元對呢位富豪只係九牛一毛，當然一口應承捐錢一事啦，但點知就出事嘞。
當年有幾位人士一併獲頒勳章，該富豪亦順利在名單之上，點知事後向大學捐款一事就好似當年「八萬五」房屋政策咁忽然間無咗，好似要隔咗一段時間，該富豪先肯慢慢分批捐款。呢件事由於大學、政府、商界都有唔少人知道，一傳十、十傳百後好快街知巷聞。唔知道將來政府幫大學向商界富豪募捐時，使唔使簽訂合約加強保障呢？