政情：接棒汕頭商會 葉振南多大計
有逾千會員嘅香港汕頭商會日前換屆，「潮人」葉振南（Stephen）榮升會長一職，仲係該會三十四年來最年輕嘅會長，一眾潮人晚上擺幾圍歡聚一堂。好似常務副會長林鎮洪在社交圈比較低調，但其實佢係中港照相器材主席孫大倫嘅親家。潮州商會會董張詩培就新加入商會做商務主任，而在潮州開設醫院嘅吳漢忠就擔任青委主任，夠晒人才濟濟。
講到未來大計，Stephen話希望深化中港兩地嘅商務交流，正構思為具有金融及法律專長嘅會員創造商機，近日同內地省市商討引入更多內地企業來港集資。佢又話，投資潮汕商機處處，有會員早前在當地開設宴會中心，大受歡迎，訂位檔期爆到去明年十月，只要放眼當地，大把「錢」途喎。
擬開潮州話班
除咗創造機遇，Stephen亦有意將潮州話發揚光大，商會會址有成六、七千呎地方，正計劃開辦潮州話班，等多啲「潮人」感受家鄉風情。