慈善基金：慈母輪下亡四子女徬徨
「阿媽仲諗住今日返鄉下，點知依家連生日都過唔到……」顧家好媽媽侯金娣為供養三名子女讀書，默默挑起家庭經濟大樑，擔當兩份全職工作，安貧樂道，惜在日前發生的荃灣曹公街車禍中意外身亡。任職司機的長子阿東痛失至親，更為籌措殮葬費而大感徬徨。東方日報慈善基金了解情況後，已從「無力殮葬」專戶撥款兩萬元，協助侯家辦理殮葬事宜。
日做兩份工 家中經濟支柱
「佢全心全意奉獻畀屋企，任勞任怨，點知突然間就走咗，點解個結果要咁坎坷？」談到媽媽離世，阿東眼泛淚光，坦言仍未能接受現實，家中一片愁雲慘霧。阿東稱，五十五歲母親生前身兼兩職，日間在荃灣大會堂擔任保安員，下班後即趕往做清潔工人，收入僅足餬口，但母親從無怨言，把家庭照顧得無微不至，「雖然返到屋企又攰、又冇晒私人時間，但佢永遠都將我哋幾個放喺第一位，又成日驚屋企人唔夠飽，買到成個雪櫃都係餸！」
望子成龍是不少父母的最大心願，雖然一弟兩妹均如願接受專上教育，惟意外後，家庭頓失經濟支柱，昂貴學費頓成家庭難題，令阿東與父親承受着沉重壓力，「阿爸做保安，我做司機，細佬妹都讀緊書，其中一個喺內地，個個都做緊兼職養自己，我同阿爸好慶幸佢哋咁生性，但嚟緊啲學費就唔知點算……」
長子決承重擔 盼弟妹成材
不過，堅強的阿東已立下決心，負起養家的責任，希望見證弟妹大學畢業的一刻，實現母親的心願。車禍害人，阿東如今感受至深，故不斷提醒自己日後駕車時亦要特別留神，以免家人憂心，「依家返工揸車個心都好驚，最近考咗電單車牌，我都唔敢坐上架車，如果我出事，屋企人仲可以靠邊個，冇可能生存落去！」對於基金的及時幫助，阿東直言深受感動，「雖然未來係點都未知，但起碼唔使擔心阿媽嘅身後事冇錢畀，已經令一家人感到好安慰！」
捐款編號：12613
記者：陳瑋珩