蘇格蘭日前舉行公投要求脫離英國獨立，雖然最後獨立派落敗，但難保幾年後又會再嚟過。過咗唔夠幾日，早已成為獨立國家嘅前英國屬土新西蘭，亦都話要搞公投「去英」，由人民公決新西蘭國旗左上方嘅英國米字旗去留。面對呢個國際「去英」熱潮，偏偏香港班本土派人士就次次遊行示威都大舞米字旗或港英旗，甚至要求英國重新「收番」香港添，真係相當諷刺。講開又講，點解唔見「香港人優先」成員走去英國或新西蘭駐港領事館，舞住米字旗示威反對「去英」公投呢？
