羅台秦見慣風雨無懼「鳳凰」
強烈熱帶風暴「鳳凰」早前吹襲台灣，台南及台東等地風雨交加，過百班航班受影響延誤或取消，台鐵、高鐵等鐵路亦一度暫停服務。本身係台北人嘅仁愛堂副主席羅台秦（Louisa）前日剛從台灣回港，佢形容台灣周不時打風，但通常都係台南或台中一帶地區受到較多影響。而佢媽媽就住喺台北，佢都有返去睇吓家中嘅情況，認為只要做足防風措施的話，一般都好安全嘅。
Louisa又話，女企業家協會一連多日嘅訪問團，聯同廣西女商會等成員分別去咗廣西、香港及台北等幾個地方訪問，而咁啱喺打風前後幾日，佢哋就喺台北度過。
不過，由於佢前晚要出席活動，加上老公戴澤良提醒佢要早啲返，所以佢就早咗回港，避過咗航班延誤甚至冇機返港嘅混亂時刻，至於其他團員有啲就選擇多留一至兩日繼續旅程喎。