政情：公民講場：懶訂樹木法茂波等幾時?

早前羅便臣道塌樹殺孕婦事件，令樹木保養再引起社會關注，促政府盡快訂立樹木法加強規管。不過，發展局局長陳茂波尋日在網誌重申，對訂立樹木法持審慎開放態度，但認為規管私人土地樹木護養工作影響深遠，必須謹慎研究，又話業主有責任護養樹木云云。有環保團體就批評政府話：「係咪再發生意外先肯做嘢？」其實團體真係鬧得冇錯，發展局為增加房屋供應，無所不用其極連保育土地都打主意，開山劈樹來起樓，但對訂立樹木法就懶懶閒，驚死立法後會逼業主斬晒啲樹咁，如果冧樹受害嘅係官員或其家人，唔知陳茂波又會唔會咁講呢？