阿鋒透露，早前到內地修讀中國人力資源和社會保障部嘅公共營養師證書課程，當初修讀課程純為興趣，同黨嘅工作無關，但自從了解多咗營養學方面嘅知識，依家飲食都節制咗好多，喺街外食得多肥膩嘢，返屋企就要自行「懺悔」食番清淡啲。
不過，由於香港未有機制認可內地具營養師資歷嘅人，所以阿鋒就算有冇考取牌照，都只可以自稱營養師。佢六月考牌至今都未知考試結果，預計要到年底先有消息。
揚言區選後結婚
講到等得耐，阿鋒同未婚妻Claire嘅親事就更加等極都未到，原來阿鋒揚言要等明年區議會選舉結束後先會娶未婚妻過門，似乎Claire需要嘅耐性更加大喎！