政情：公民講場：泛民總辭冷淡 怕冇人接棒？

泛民主派為爭取喺政改拉鋸戰嘅話語權各出奇謀，繼社民連梁國雄早前重提「五區總辭」被秒殺後，人民力量陳偉業尋日又突然建議全體二十七名泛民議員，喺政改方案表決前集體總辭，以防有人臨場轉軑。一眾泛民議員例牌冷淡回應，其中喺立法會手握兩票嘅會計界梁繼昌（Kenneth）及資訊科技界莫乃光，更因為所屬界別冇「第二梯隊」接捧而死攬住個位唔放。Kenneth話，佢哋兩個仲未搵到合適嘅泛民中人接捧，一旦跟隊辭職變相「整死自己」，將議席拱手相讓畀建制派喎，乜佢哋對自己同所屬界別咁冇信心呀？