肺癌嫻姐求援藥費續命
醫院管理局自○五年實施藥物名冊制度後，苦陷「有藥冇錢買」的病人多不勝數。楊淑嫻原為普通家庭主婦，與丈夫胼手胝足養大一對子女。子女剛能自立之際，嫻姐卻患上晚期肺癌，接受化療後仍無起色，服用昂貴自費標靶藥已為最後希望，卻因無力支付每月約五萬元藥費而大感徬徨。東方日報慈善基金了解情況後，已即時從「醫療專戶」撥款為嫻姐支付首月藥費，餘下藥費亟待善長慷慨施援。
「叫做啱啱捱大啲仔女，諗住可以鬆一口氣，點知會有呢個病，依家仲要食咁貴嘅標靶藥，點負擔得起？」五十二歲的嫻姐去年底突然咳嗽不止，最初還誤以為屬普通傷風感冒，加上本身患有鼻敏感，遂不以為意。未料咳嗽持續，接受X光檢查後方知「大件事」。「醫生話肺部個腫瘤有成七厘米咁大，已經做唔到切除手術，只可以化療。」可惜嫻姐接受六次化療後，情況不僅未有改善，近期覆診更獲悉腫瘤已增大至九厘米，醫生除安排電療外，亦建議盡快接受標靶治療。
嫻姐任職保安員，與任職倉務員的丈夫育有一子一女。「仔女啱啱廿幾歲開始做嘢冇幾耐，收入唔多，養到自己已經好好，有時畀到啲家用都好開心！」嫻姐患病後仍沒有放棄工作，改當兼職，希望幫補家計之餘亦能有所寄託，不致每日為病情胡思亂想，但身體仍抵抗不了病魔折磨，近大半年體重已驟減近二十磅，且不時咳嗽及氣促。
盼見子女成家
頑疾纏身，病情已教家人大感憂心，加上藥費昂貴遠遠超出一般家庭負擔，更令嫻姐陷入雪上加霜困境。面對每月數以萬元計的藥費，嫻姐坦言已走投無路，「依家真係冇晒辦法，標靶藥係最後嘅希望，好想有食藥嘅機會，希望有善心人可以幫吓我，等我有機會睇到對仔女成家立室！」
屯門醫院發言人證實，病人於今年一月於該院腫瘤科專科門診接受診治，醫生檢查後診斷患上晚期肺癌。克唑替尼（Crizotinib）為醫治晚期肺癌的一種新型口服標靶治療藥物，研究顯示該藥對晚期肺癌病情控制的比率約為百分之八十。該藥並非醫管局藥物名冊內的藥物，根據病人目前臨床情況，購買該藥每月所需費用約為港幣五萬元。
捐款編號：12601
胡倩瑩家人：本基金接獲讀者捐款以示慰問，煩請致電3600 9172與記者徐小姐聯絡，以便安排處理捐款事宜。
記者：徐少琴