政情：八網難逃：政改敏感時刻 慢必晤達賴
正當政改爭議喺北京、香港兩地鬧得熱哄哄之際，人民力量立法會議員陳志全（慢必）並冇留港籌備「佔領中環」行動，反而靜靜雞去咗德國，尋日凌晨時分仲喺社交網站上載同西藏流亡精神領袖達賴喇嘛見面嘅相片，自爆出席在漢堡舉行嘅漢藏交流會議。
雖然慢必早前已預告有機會見達賴喇嘛，亦唔會講政治議題，但佢就自言香港同藏人面對緊共同嘅問題，好似保持特有文化等，所以港人「不惜公民抗命，爭取民主選舉」，將話題又再扯到去政改。至於佢有冇同達賴喇嘛面對面討論香港普選問題？慢必就懶神秘話，今晚返香港再講喎！
（互聯網）