政情：公民講場：佔中倘失控話「廷」就停？

人大常委會將會喺今個星期日通過政改框架，佔領中環行動發起人戴耀廷尋日出席電台節目話，泛民到時將會喺特首辦外舉行集會，預計同日會宣布啟動佔中。被問到會否擔心當晚活動演變成佔中，戴耀廷重申三子唔會喺當晚發動佔中，希望佔中參與者可以保持克制，更揚言一旦有人使用暴力，佢哋就會叫停成個運動，相信唔會出現亂子。