使血壓上升
「如果本身心臟好弱唔妥，又或者本身抵抗力低，小朋友隨時承受唔到而爆煲。」馮又稱，當嬰孩面對突然過冷環境，會使嬰孩血壓升高，令心臟負荷大增，當身體難以承受突如其來的變化，輕則引發過濾性細菌感染及發燒，嚴重則會誘發心臟病，「呢啲冒險活動應該自己選擇，可能一千個得一個有事，但都唔值得逼小朋友做。」馮續指，家長亦應避免用過大冰塊向嬰孩照頭淋，隨時亦會弄傷嬰孩。
香港醫學會前會長謝鴻興補充指，嬰孩愈年幼，愈不應該參與這類挑戰，「手抱嬰兒對突發性接觸特別敏感，呢個唔係遊戲，小朋友可能會感到受傷害，而未必係樂在其中。」