政情：公民講場：黑英網語：憂三跑排污難

機場管理局興建第三條跑道建議一直遭受環保團體反對，其中天文台前台長林超英（黑英）除咗出席各類型活動都聲嘶力竭提出反對意見外，尋日仲喺網誌話望后石污水處理廠近日嘅污水洩漏，凸顯興建第三條跑道對排污嘅影響。黑英擔心第三條跑道興建後會令內海同珠江口之間嘅通道收窄，令污水難以流出大海。其實有污水梗係會對海洋生態有影響啦，但點解唔索性管理好污水廠運作，反而斬腳趾避沙蟲避建新跑道呢？與其話興建機場第三條跑道會搞到啲污水排唔到出大海，倒不如擔心依家啲污水可能影響中華白海豚好過啦！