去細女大學畢業禮
Samuel透露，細女喺倫敦大學學院（UCL）畢業後，計劃繼續留英入讀倫敦政治經濟學院（LSE），將會攻讀組織行為學（Organizational Behaviour），仲諗好畢業回港後加入教育界發展，目標係開辦幼稚園做校長添！Samuel對於乖女無意繼承佢嘅保險界衣鉢一啲都冇失望，仲話會打本畀佢開學校，以減輕財政壓力，認真廿四孝爸爸。
除咗避過政改一「劫」，Samuel料九月底引爆嘅「佔領中環」行動都順勢避開埋，皆因佢身兼香港專業及資深行政人員協會創會會長，下月二十七日會帶隊訪京，雖然未知屆時討論咩議題，但相信呢段敏感時期，討論政改一定走唔甩。